လုပ်ငန်းခွင်အတွင်း ဖားများအကြောင်း

ဖားရဲ့အဓိပ္ပာယ်

ဖားရဲ့အဓိပ္ပာယ်ကတော့ သူဌေးက ပေးထား၊ ကျွေးထားသူ လုပ်ငန်းခွင်အတွင်း မျက်စိဒေါင့်ထောက်ကြည့်ပြီး သူဌေးကို အတို့အထောင်ပြန်လုပ် သူဌေးယုံကြည်အောင် ပြောဆိုနေသူများကို ဆိုလိုခြင်း ဖြစ်ပါသည်။ သူဌေးက မမေးရသေးဘဲနဲ့ တစ်လုံးမကျန် အိပ်သွန်ဖာမှောက် အူမချေးခါးမကျန် ပြန်လည်တင်ပြကြသည် များကို ဆိုလိုပါသည်။ ကောင်းသတင်းကို ပြန်မပြောပဲ မကောင်းသတင်းကို ပြန်လည်ဖြန့်သည်များကို ဖားလို့ သတ်မှတ်ထားခြင်း ဖြစ်ပါသည်။

 

သတ်ဖားရဲ့ရာဇ၀င်

သတ်ဖားရဲ့ရာဇ၀င်ကတော့ သူဌေးက မွေးထားတဲ့ ပုဂ္ဂိုလ်ကို ခေါ်ဆိုတာ ဖြစ်ပါသည်။ လုပ်ငန်းခွင်အကြောင်း ကောင်းကောင်း နားလည်တဲ့သူပေါ့။ မိမိသူဌေးအပေါ် သစ္စာမရှိတဲ့ဖားကို သတ်ဖားလို့ ခေါ်တာပါ။ သူဌေးကတော့ သူမွေးထားတဲ့ ဖားကို ယုံကြည်ပြီးသား ပြောသမျှ ယုံနေတဲ့သူပါပဲ။ ဒါပေမယ့် သတ်ဖား ဆိုတာမျိုးက ဘနဖူး သိုက်တူးမယ့် လူသားဆိုလည်း မမှားပါဘူး။ သူဌေးက သတ်ဖား ပြောသမျှ နားယောင်ပြီး ဟိုဟာလုပ် ဒီဟာလုပ် မြှောက်ထိုးပင့်ကော် အလုပ်တတ်ဆုံးကတော့ သတ်ဖားပါပဲ။ အများအားဖြင့် သူဌေးလူယုံလို့ ကိုယ်ဘာသာ နာမည်တပ်ထားကြပြီး သူဌေးရဲ့ ကားကို မောင်းပေးရတဲ့သူတွေက ဘယ်သူကတော့ ဘယ်နေရာမှာ ဘယ်လိုနေတယ်။ ဘယ်လိုအလုပ်မလုပ်ဘူး။ ဘာလုပ်နေကြတယ်ဆိုတဲ့ အမြင်နဲ့ ရမ်းသမ်းပြောပြီး သူဌေးရဲ့အိမ်ခွေးအဆင့်လောက်ပဲ ရှိပြီး တစ်ဖက်သားအပေါ် မကောင်းမြင်ဝါဒတွေ စွဲကိုင်ထားသူဖြစ်တဲ့အပြင် မကြည့်တဲ့စိတ်ဓာတ်တွေ ကိန်းအောင်းနေလေ့ ရှိကြပါတယ်။

 

ဖားပျံ

ဖားပျံရဲ့သဘောက ဖားတတ်တဲ့သူကို သူဌေးက အမြဲ လိုတာတွေထောက်ပံ့နေရင် အရမ်းသဘောမနောခွေ့နေ တတ်ပြီး အဆင်မသင့်လို့ သူဌေးက သူ့ကို နည်းနည်းလေးများ ဆူမယ် ဟောက်မယ် မလုပ်လိုက်နဲ့ သူဌေးပေးတာထက် ပိုပေးတတ်တဲ့သူဆီကို အချိန်မရွေး ကူးပြောင်းသွားတတ်တဲ့သူမျိုးကျတော့လည်း ဖားပျံ အမျိုးအစားမှာပါတယ်လေ။ ဘာလို့လဲဆိုတော့ သူက ဒီမှာ သူဌေးကို ဖားလို့မရတော့မှန်းသိတော့ ဖားလို့ရမယ့် နေရာ ဘယ်နေရာကို သွားရမလဲဆိုတာ ကြိုတင်စိတ်ကူး အကောင်အထည်ဖော်တတ်ခြင်းကို ဖားပျံ အမျိုးအစားလို့ ခေါ်လို့ရတာပေါ့။

 

ရာဘာဖား

ရာဘာဖားရဲ့ ဆိုလိုချက်ကတော့ ကိုယ်လုပ်နေတဲ့ လုပ်ငန်းခွင်မှာ ကိုယ်က နေရာရအောင် လုပ်နေတယ်။ သူဌေးရဲ့ ရှေ့မှာ ကိုယ်ပဲအလုပ်လုပ်တယ်။ သူများက အလုပ်မလုပ်တဲ့ပုံစံနဲ့ ဂိုက်ပေးကြမ်းတတ်ကြတယ်။ ဖားတဲ့နေရာမှာလည်း နှစ်ယောက်မရှိဘူး။ အလုပ်ခွင်အတွင်းမှာ အဖွဲ့အစည်းနဲ့ မနေတတ်ပဲ တစ်ဦး တစ်ယောက်ထဲ တသီးတခြား နေထိုင်တတ်ပြီး အလိုလိုသူများကို အပြစ်ကျအောင် လုပ်ဆောင်တတ်သူတွေ ဖြစ်တတ်ကြပါတယ်။ ဒီလိုလူမျိုးတွေက သူ့ကို ပစားမပေးတော့ဘူး။ နေရာမပေးတော့ဘူးဆိုရင် အလုပ်မှာ မပျော်မွေ့တော့ဘဲ တခြားနေရာသွားဖို့ စိတ်ကူးကြတော့တာပါပဲ။ ဒီလိုနေရာ ပြောင်းသွားတာတောင် တခြားနေရာ ရောက်သွားရင် ဒီသူဌေးရဲ့ကောင်းကြောင်း ပြောဖို့ထက် မကောင်းကြောင်းပြောဖို့ တာစူနေ တတ်ကြပါတယ်။ ရာဘာတွေလို ပြန်ကန်တတ်တဲ့သဘောကို တွေ့ရှိရတာကြောင့် ရာဘာဖားလို့ သတ်မှတ်လို့ ရတာ ဖြစ်ပါတယ်။

          အများအားဖြင့် လာတဲ့ဝန်းကျင်ကြောင့်လား၊ ပြောင်းလဲမှုတွေဖြစ်တာလား ဆိုတဲ့အတွေးတွေ ဖြစ်ဖူးပါတယ်။ ဒါပေမယ့် နေရာတိုင်းမှာ အနည်းနဲ့ အများကတော့ ရာထူးကြီးသူတွေမှာလည်း တွေ့ရှိရတဲ့ အချက်ကတော့ အထက်ဖား အောက်ဖိတွေ များပြားနေတာကြောင့် အလုပ်ခွင်တွေ အတွင်းမှာ စည်းလုံး ညီညွတ်မှုတွေ ပြိုကွဲကြပြီး အလုပ်လုပ်ရင်း မပျော်မွေ့ကြတာတွေ များနေတာကို တွေ့ရှိနေရပါတယ်။ ဒီလိုလူမျိုးတွေ ဘာကြောင့် ရှိနေသလဲ။ စိတ်ဓာတ်တွေကို မပြုပြင်သရွေ့တော့ လူအများနဲ့ အစေးကပ်မှာ မဟုတ်ပဲ လုပ်ငန်းတိုးတက်မှုတွေလည်း နှောင့်နှေးနေကြမယ်လို့ ကျွန်မ မြင်မိတဲ့အတွက် ခေတ်ပြောင်း စနစ်ပြောင်း၊ နှစ်အပြောင်းမှာ စိတ်ဓာတ်လေးတွေလည်း ပြောင်းလဲသင့်ပြီလို့ ယူဆမိတဲ့အတွက် ဘယ်သူတွေ ဘယ်လိုနေရာမှာ ဘယ်လောက်တောင် ဖား Skill တွေ များနေသလဲဆိုတာ ဝေဖန်ဆန်းစစ်ကြည့်မိပါတော့ တယ်ရှင်။

မနောဖြူလေး

၆.၁.၂၀၁၃

5:22 PM

Views: 1021

Tags: Work

Comment

You need to be a member of MyanmarITPro - A Social Network for Myanmar IT Professionals to add comments!

Join MyanmarITPro - A Social Network for Myanmar IT Professionals

Comment by mung san on April 14, 2014 at 12:58pm

good

Comment by KhinMyoThu on March 30, 2013 at 1:25pm

posts တွေလာဖတ်သွားတယ်...အမရဲ့ နည်းပညာတွေ ဗဟုသုတလေးတွေလည်း ရှယ်ပါဦးအမရေ..မျှော်လင့်နေမယ်

Comment by KhinMyoThu on March 30, 2013 at 1:24pm

အမ မနော ညီမကို add လိုက်ပါဦး. :)

Comment by KhinMyoThu on March 30, 2013 at 1:24pm

ဖား.......

Comment by ကောင်းကောင်း on March 2, 2013 at 11:10pm

ကြော်စားလိုက်

Comment by Ye` Oo Paing on March 1, 2013 at 11:06pm

ကောင်းတဲ့ဖားရောမရှိဘူးလားဗျာ ကြော်စားလို့ရတာလေးပေါ့...

Comment by Ap3x on February 4, 2013 at 1:22pm

တပတ်တခါလောက် တွေ့တွေ့နေရတဲ့ ဖားကလေးတွေ.

Comment by lulu on January 24, 2013 at 7:40pm

အဲဒီဖားတွေကိုဘယ်လိုပညာပေ့းရမလဲဆိုတာကိုဆက်ရေးရင်ကောင်းမယ်

Comment by AMY on January 24, 2013 at 10:34am

လုပ်ငန်းခွင်တိုင်းမှာ ဒီလိုဖားမျိုး တွေက ရှိကိုရှိစမြဲပါ။...

Comment by Phyu Sin Kyaw on January 24, 2013 at 10:17am

ဖားတွေကလည်း အမျိုးမျိုးပဲနော်။ မူးတောင်မူးသွားတယ်။ :)

© 2014   Created by Ko Chit.

Badges  |  Report an Issue  |  Terms of Service